Fabian Collenberg

Mia motivaziun

La digitalisaziun porta schanzas per la societad e per l’economia e sto perquai vegnir promovida. 

Mias pretensiuns

Tut las regiuns duain avair ina colliaziun digitala moderna per che homeoffice saja pussaivel senza restricziuns. Era lavurar en il traffic public duai plinavant esser pussaivel senza restricziuns (cuvrir rusnas da radio / porscher WLAN). Il barat tranter autoritads e burgaisas e burgais duai esser pussaivel a moda digitala e duai perquai vegnir meglierà fermamain.

Concretisaziun da l’engaschament

Sco chanzlist communal m’engasch jau sin nivel communal per quest tema. Jau m’engasch era per in ulteriur svilup da la transfurmaziun digitala ed enconusch perquai era las sfidas. En il Cussegl grond hai jau plinavant  fatg duas intervenziuns en quest sectur. 

Mia motivaziun

Per betg perder il contact e per restar attractiv, èsi impurtant che las regiuns sajan bain avertas ed accessiblas.

Mias pretensiuns

I dovra per tut las regiuns in tact da mes’ura tar il traffic public. Projects a lunga vista, sco per exempel il tunnel da la Surselva en direcziun Uri e novas furmas da mobilitad sco per exempel la tecnologia da hyperloop ston vegnir mess sin via per il chantun Grischun.

Concretisaziun da l’engaschament

En il Cussegl grond m’engasch jau ensemen cun autras deputadas e deputads per quests temas. Avant curt temp hai jau inoltrà in’intervenziun davart il tema “mobilitad futura”.

Mia motivaziun 

La politica da la planisaziun dal territori è l’instrument decisiv per il svilup d’in chantun / d’ina regiun / d’ina vischnanca.

Mias pretensiuns

La planisaziun dal territori vegn decidida actualmain da maniera centrala sin nivel federal. Las cumpetenzas ston turnar enavos tar ils chantuns e las vischnancas. Quels e quellas han il duair da metter sin via mesiras da maniera activa per far frunt a la mancanza d’abitaziuns. Ils chantuns e las vischnancas dovran perquai dapli libertad d’agir. Ed ultra da quai sto la lescha d’abitaziuns secundaras vegnir adattada.

Concretisaziun da l’engaschament

Sco chanzlist sun jau involvì en la revisiun da la planisaziun locala. La realisaziun da las midadas da zona tenor LPT 1 è ina fitg gronda sfida. Ultra da quai duess la lescha d’abitaziuns secundaras urgentamain vegnir adattada. Ins sto era constatar ch’i na dat nagins investurs instituziunals (p.ex. cassas da pensiun) per la promoziun da spazi d’abitar en las regiuns. Perquai vegn spazi d’abitar bajegià bunamain mo da persunas privatas. En il Cussegl grond hai jau perquai inoltrà, ensemen cun il deputà Gian Derungs, in’intervenziun per la promoziun da spazi d’abitar en las regiuns da muntogna.