Sarina Caduff

Mia motivaziun

La participaziun da burgaisas e burgais e spezialmain la participaziun da la giuventetgna ha anc bler potenzial ch’è vegnì nizzegià memia pauc u insumma betg enfin ussa. 

Mias pretensiuns

La chapientscha e la tenuta dals purtaders e da las purtadras da decisiuns n’è per part u insumma betg avant maun, uschia che projects che pertutgan il spazi da viver da la populaziun giuvna fan savens naufragi. La giuventetgna duess vegnir integrada dapli, per chapir ses basegns e giavischs. Per quest scopo duain ins sviluppar structuras adattadas. Cun l’integraziun emprenda ella co che vischnancas “funcziuneschan” e vegn uschia era motivada ed abilitada da prender influenza sin decisiuns e da s’engaschar en la politica ed en la societad. 

Concretisaziun da l’engaschament

• Francada instituziunala en il rom da cumissiuns / parlaments da giuventetgna 
• Sensibilisaziun da la populaziun per la participaziun 

Mia motivaziun

Per che persunas giuvnas hajan in avegnir en las regiuns sto esser a disposiziun spazi d’abitar modern e pajabel.

Mias pretensiuns

Las consequenzas da las leschas davart las abitaziuns secundaras e davart la planisaziun dal territori èn mendras per las regiuns da muntogna che quai ch’ins aveva pensà. Ils chantuns e las vischnancas ston en mintga cas vegnir activas per neutralisar la situaziun actuala. Ins duai empruvar ora novas vias per stgaffir spazi d’abitar. I dovra curaschi da far quai. Ultra da quai ston ins tschertgar la collavuraziun cun privats.

Concretisaziun da l’engaschament 

• Promoziun da societads per la construcziun da chasas ed abitaziuns
• Infurmaziun da las vischnancas e da la populaziun

Mia motivaziun

Per che la giuventetgna restia en las regiuns u vuless turnar, dovri plazzas da lavur adattadas. 

Mias pretensiuns

La centralisaziun sto vegnir fermada. La digitalisaziun sto da l’autra vart vegnir promovida per che lavur saja pussaivla era davent da chasa resp. da dapertut. La mancanza da persunal spezialisà ston ins cumbatter da maniera proactiva. En las regiuns cun in quozient da vegliadetgna relativamain aut, daventa la situaziun anc pli precara. Per questa situaziun stuain nus chattar ad uras soluziuns. La cumpatibilitad da famiglia e professiun duai ultra da quai vegnir meglierada cun cundiziuns da basa (tgira d’uffants, lavur a temp parzial euv.).

Concretisaziun da l’engaschament

• Sensibilisaziun da la populaziun per professiuns ch’i dovra en avegnir en noss chantun 
• Promoziun da novas furmas e novs models da lavur (New Work) (p.ex. Co-working spaces, Jobsharing euv.)